基本資料 | Information
Visie
Om leerders tot die volle bereiking van hulle potensiaal te lei, deur 'n verskeidenheid van geleenthede te bied.
Missie
Die uitleef van ons leuse “geanker in geloof” deur die christelike godsdiens as die grondslag van alle aktiwiteite te beskou.
Die vestiging van hoop en ‘n positiewe, visioenêre toekomsverwagting.
Die skep van ‘n positiewe, veilige en gedissiplineerde leeromgewing deur toegeruste, toegewyde en gemotiveerde personeel.
Die strewe daarna om elke leerder se potensiaal en onafhanklikheid op uitnemende wyse maksimaal te ontwikkel.
Die aanmoediging tot lewenslange leer.
Die toerus van leerders met lewensvaardighede, leierskapsvaardighede en kernwaardes om as verantwoordelike burgers hulle plek in die samelewing vol te staan.
Die motivering van leerders om betrokke te raak by geleenthede op alle terreine (akademie, sport, kultuur, sosiaal en leierskap), asook die beskikbaarstelling van ‘n verskeidenheid geleenthede om sodoende gebalanseerd te ontwikkel.
Die ontwikkeling van lojaliteit, respek, integriteit en verantwoordelikheid by leerders.
Die vestiging en handhawing van tradisies en die uitbou van afrikaans as taal van onderrig en leer ten einde trots en eenheid in die skool te kweek.
Die aanmoediging van ouers en die gemeenskap om ondersteunend en betrokke te wees.