基本資料 | Information
Die Hoërskool Kroonstad (ook bekend as die Blouskool) het in 1994 tot stand gekom nadat die voormalige Hoërskool Kroonstad (Ou Blouskool), die Kroonstad Landbouskool (Lanties), die Hoër Tegniese Skool De Wet Nel (Ampies) asook die Johan Slabbert Spesiale Skool geamalgameer het. Die skool bied kultuuraktiwiteite soos Voortrekkers, koor, dramatiese kunste, CSV, junior landbou, ’n staptoer, redenaars en hip hop aan. Die skool bied ook fasiliteite vir sportsoorte soos rugby, netbal, hokkie, gholf, krieket, atletiek, tennis, swem en jukskei aan. Burger Geldenhuys, André Venter, Faan Rautenbach en Michael Claassens is Springbokke wat bande met die Blouskool het.